ព្រឹកថ្ងៃសៅរ៍ ទី០៦ ខែមេសា ឆ្នាំ ២០២៤ ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា បានអញ្ជើញជាអធិបតីពិធីប្រគល់សញ្ញាប័ត្រ លើកទី៥ របស់វិទ្យាស្ថានប្រាយហូប ជូនដល់និស្សិតជ័យលាភីថ្នាក់អនុបណ្ឌិត ជំនាន់ទី៥ ចំនួន ១២អង្គ/នាក់ ថ្នាក់បរិញ្ញាប័ត្រជំនាន់ទី១៤-ទី១៥ ចំនួន៤១៣នាក់ និងថ្នាក់បរិញ្ញាប័ត្ររង ជំនាន់ទី១៥-ទី១៦ ចំនួន ៧៤នាក់ សរុបចំនួន៤,៩៩នាក់ ស្រី ៣,១៦នាក់។ ថ្លែងក្នុងឱកាសនោះ ឯកឧត្តម បានពាំនាំនូវក្ដីនឹករលឹកសាកសួរសុខទុក្ខ និងជូនពរពីសម្ដេចប្រធានព្រឹទ្ធសភា ឯកឧត្តមអនុប្រធានទី១ ព្រឹទ្ធសភា និងឯកឧត្តមអនុប្រធានទី២ ព្រឹទ្ធសភា ជូនដល់ចំពោះបុគ្គលិក សាស្រ្តាចារ្យ លោកគ្រូ អ្នកគ្រូ និងប្រពលរដ្ឋទូទាំងខេត្ត ព្រមទាំងសម្តែងការកោតសរសើរ ចំពោះបុគ្គលិក សាស្ត្រាចារ្យ លោកគ្រូ អ្នកគ្រូ ដែលជានិច្ចកាលតែងតែយកអស់កម្លាំងកាយ ចិត្ត ប្រាជ្ញា ស្មារតីក្នុងការបណ្តុះបណ្តាលធនធានមនុស្សប្រកបដោយគុណធម៌ និងគុណភាព។ សំណូមពរបន្តខិតខំបំពេញភារកិច្ចឱ្យកាន់តែប្រសើរលើការអប់រំ បណ្ដុះបណ្ដាលធនធានមនុស្ស ដើម្បីរួមចំណែកក្នុងការអភិវឌ្ឍសង្គមជាតិ ស្ថិតនៅសង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង។